Rivojlanish bosqichlari (2026–2030)

1. Poydevor davri (2026–2027). Loyihaning dastlabki bosqichi Shaharcha uchun mustahkam poydevor yaratishga qaratilgan: yer tekislash va ichki yo‘llarni tayyorlash; asosiy kommunikatsiya tarmoqlarini ishga tushirish; birinchi navbatda maʼmuriy markazni joylashtirish. 2. Qurilishning avj pallasi (2027–2028). Shaharchaning asosiy qismini shakllantirish va uning funksionalligini taʼminlash: 300 ta ko‘p qavatli turar-joy binosini bosqichma-bosqich qurish; maktab, bog‘cha, oliygoh, tibbiyot muassasalari, xizmat ko‘rsatish va turizm obyektlarini qurish; sun’iy orol va istirohat bog‘larini barpo etish. 3. Yakunlash va ekspluatatsiya (2028–2030). Ichki yo‘llarni foydalanishga topshirish, ijtimoiy soha obyektlarini to‘liq quvvatda ishga tushirish va Shaharchani boshqaruv kompaniyasiga topshirish.